ਕੌਣ ਦੇਵੇਗਾ ਵਿੱਕੀ ਦੇ ਪਰਿਵਾਰ ਨੂੰ ਇਨਸਾਫ਼?

ਬੇਲਨ ਬ੍ਰਿਗੇਡ ਮੁਖੀ ਅਨੀਤਾ ਸ਼ਰਮਾ ਨੇ ਕੀਤੀ ਵਿੱਕੀ ਦੇ ਪਰਿਵਾਰ ਨਾਲ ਮੁਲਾਕਾਤ 

ਲੁਧਿਆਣਾ: 13 ਮਈ 2-015; (ਬੇਲਨ ਬ੍ਰਿਗੇਡ ਬਿਊਰੋ):

ਜ਼ਿੰਦਗੀ ਨੂੰ ਮੌਤ ਵਿੱਚ ਬਦਲਣ ਵਾਲੀ ਸ਼ਰਾਬ ਹੁਣ ਇੱਕ ਹੋਰ ਪਰਿਵਾਰ ਨੂੰ ਤਬਾਹ ਕਰਨ ਤੇ ਤੁਲੀ ਹੈ। ਮੀਡੀਆ ਭਾਈਚਾਰੇ ਦਾ ਸਰਗਰਮ ਮੈਂਬਰ ਰਣਜੀਤ ਕੁਮਾਰ ਸ਼ਰਮਾ ਉਰਫ ਵਿੱਕੀ ਜਿੰਦਗੀ ਮੌਤ ਦੀ ਲੜਾਈ ਲੜ ਰਿਹਾ ਹੈ। ਉਸਦਾ ਲੀਵਰ ਤਬਾਹੀ ਦੇ ਕਿਨਾਰੇ 'ਤੇ ਹੈ।  ਫੇਫੜੇ ਵੀ ਗੰਭੀਰ ਹਾਲਤ ਵਿੱਚ ਹਨ ਅਤੇ ਇੱਕ ਕਿਡਨੀ ਵੀ ਤਕਰੀਬਨ ਡੈਮੇਜ ਦੱਸੀ ਜਾ ਰਹੀ ਹੈ। ਕੁਝ ਹਜ਼ਾਰ ਰੁਪਏ ਹਰ ਰੋਜ਼ ਪਾਣੀ ਵਾਂਗ ਲੱਗ ਰਹੇ ਹਨ। ਘਰ ਦੀ ਹਾਲਤ ਪਹਿਲਾਂ ਹੀ ਨਾਜ਼ੁਕ ਸੀ ਹੁਣ ਹੋਰ ਚਿੰਤਾਜਨਕ ਹੋ ਗਈ ਹੈ। ਹਸਪਤਾਲ ਵਿੱਚ ਪਰਿਵਾਰ ਦੇ ਜੀਅ ਉਸਦੀ  ਸਾਂਭ ਸੰਭਾਲ ਕਰਦਿਆਂ ਖੁਦ ਦਿਗੁਨ ਦਿਗੁਨ ਕਰ ਰਹੇ ਹਨ। ਇਹ ਸਾਰਾ ਦਰਦਨਾਕ ਦ੍ਰਿਸ਼ ਬੇਲਨ ਬ੍ਰਿਗੇਡ ਸੁਪਰੀਮੋ ਅਨੀਤਾ ਸ਼ਰਮਾ ਨੇ ਖੁਦ ਆਪਣੀ ਅੱਖੀਂ ਜਾ ਕੇ ਦੇਖਿਆ।  

ਅਨੀਤਾ ਸ਼ਰਮਾ ਨੇ ਵਿੱਕੀ ਦੀ ਪਤਨੀ ਸੁਮਨ ਨਾਲ ਵੱਖਰਿਆਂ ਹੋ ਕੇ ਵੀ ਗੱਲਬਾਤ ਕੀਤੀ। ਉਸਨੂੰ ਹੋਂਸਲਾ ਦਿੱਤਾ ਅਤੇ ਵਿੱਕੀ ਦੀ ਇਸ ਗੰਭੀਰ ਹਾਲਤ ਦਾ ਪਿਛੋਕੜ ਵੀ ਪੁਛਿਆ। ਇਸ ਮਾਮਲੇ ਵਿੱਚ ਵੀ ਇਸ ਸਾਰੀ ਤਬਾਹੀ ਦੀ ਜੜ੍ਹ ਸ਼ਰਾਬ ਹੀ ਨਿਕਲੀ। ਵਿੱਕੀ ਨੂੰ ਵੀ ਸ਼ਰਾਬ ਨੇ ਆਪਣੇ ਮਾਇਆ ਜਾਲ ਵਿੱਚ ਜਕੜ ਲਿਆ ਸੀ। ਉਹ ਹਰ ਵੇਲੇ ਟੱਲੀ ਰਹਿਣ ਵਾਲਾ ਸ਼ਰਾਬੀ ਬਣ ਗਿਆ। ਸ਼ਾਇਦ ਉਸਨੂੰ ਉਸਦੇ ਇਸ ਕਸੂਰ ਦੀ ਸਜ਼ਾ ਵੀ ਮਿਲ ਰਹੀ ਨਹੀ। ਉਹ ਕਸੂਰਵਾਰ ਸੀ ਪਰ ਕੀ ਉਸਦੇ ਗੁਨਾਹਾਂ ਦੀ ਸਜ਼ਾ ਉਸਦੇ ਪਰਿਵਾਰ ਨੂੰ ਵੀ ਮਿਲੇਗੀ? ਉਸਦੀ ਛੋਟੀ ਜਿਹੀ ਮਾਸੂਮ ਬੱਚੀ ਬਚਪਨ ਵਿੱਚ ਹੀ ਉਹਨਾਂ ਚਿੰਤਾਵਾਂ ਨਾਲ ਘਿਰ ਗਈ ਹੈ ਜਿਹੜੀਆਂ ਰੱਬ ਦੁਸ਼ਮਨ ਨੂੰ ਵੀ ਨਾ ਲਾਵੇ। 

ਡੂੰਘੇ ਦੁੱਖ ਦੀ ਗੱਲ ਹੈ ਕਿ ਸ਼ਰਾਬ ਪੀਣ ਵਿੱਚ ਜਿੰਨਾ ਕੁ ਕਸੂਰ ਵਿੱਕੀ ਦਾ ਹੈ ਉਸਤੋਂ ਕੀਤੇ ਜਿਆਦਾ ਕਸੂਰ ਸਮਾਜ ਦੇ ਉਹਨਾਂ ਵਰਗਾਂ ਦਾ ਹੈ ਜਿਹੜੇ ਆਪਣੀ ਕਵਰੇਜ ਲਈ ਉਸਨੂੰ ਖੁਦ ਸ਼ਰਾਬਾਂ ਪਿਆਉਂਦੇ ਸਨ।  ਸਿਰਫ ਪਿਆਉਂਦੇ ਹੀ ਨਹੀਂ ਬਲਕਿ ਉਸਨੂੰ ਸ਼ਰਾਬ ਵਿੱਚ ਡੁਬਾਉਂਦੇ ਵੀ ਸਨ। ਸਮਾਜ ਦੇ ਇਹਨਾਂ ਪਾਪੀ ਵਰਗਾਂ ਵਿੱਚ ਕੌਣ ਕੌਣ ਸ਼ਾਮਿਲ ਸੀ ਇਸਦਾ ਖੁਲਾਸਾ ਵੀ ਅਸੀਂ ਜਰੂਰ ਕਰਾਂਗੇ ਪਰ ਕਿਸੇ ਵੱਖਰੀ ਪੋਸਟ ਵਿੱਚ। ਫਿਲਹਾਲ ਵਿਕਿਕੀ ਨੂੰ ਲੱਗੀਆਂ ਬਿਮਾਰੀਆਂ ਦੀ ਗੱਲ ਹੈ। ਲਗਾਤਾਰ ਉਸਦਾ ਪਿਛਾ ਕਰ ਰਹੀ ਮੌਤ ਦੀ ਗੱਲ ਹੈ ਜਿਸਨੂੰ ਵਿੱਕੀ ਦੇ ਪਿਛੇ ਲਾਇਆ ਉਹਨਾਂ ਸਮਾਜ ਦੇ ਉਹਨਾਂ ਲੋਕਾਂ ਨੇ ਜਿਹਨਾਂ ਨੇ ਆਪਣੀ ਖਬਰ ਟੀਵੀ 'ਤੇ ਦਿਖਾਉਣੀ ਹੁੰਦੀ ਸੀ, ਆਪਣੀ ਤਸਵੀਰ ਕੀਤੇ ਛ੍ਪ੍ਵਾਉਣੀ ਹੁੰਦੀ ਸੀ। ਅਸਲ ਵਿੱਚ ਇਹੀ ਲੋਕ ਸਨ ਜਿਹਨਾਂ ਨੇ ਵਿੱਕੀ ਨੂੰ ਮੌਤ ਦੇ ਮੂੰਹ ਸਾਹਮਣੇ ਲਿਆ ਕੇ ਛੱਡ ਦਿੱਤਾ। ਸ਼ਰਾਬਾਂ ਵੇਚ ਕੇ ਪੈਸੇ ਕਮਾਉਣ ਵਾਲੀ ਸਰਕਾਰ ਆਪਣਾ ਮਾਲੀਆ ਇੱਕਠਾ ਕਰਦੀ ਰਹੀ ਤੇ ਇਧਰ ਵਿੱਕੀ ਵਰਗੇ ਨੌਜਵਾਨ ਸ਼ਰਾਬ ਵਿੱਚ ਡੁੱਬ ਡੁੱਬ ਖਤਮ ਹੁੰਦੇ ਰਹੇ। ਜੇ ਕਲ੍ਹ ਨੂੰ ਵਿੱਕੀ ਨਾਲ ਕੋਈ ਅਨਹੋਣੀ ਵਰਤ ਜਾਂਦੀ ਹੈ ਤਾਂ ਇਸ ਦੀ ਜਿੰਮੇਵਾਰੀ ਹੋਵੇਗੀ ਸ਼ਰਾਬਾਂ ਵਰਤਾਉਣ ਵਾਲਿਆਂ  ਤੇ. ਸ਼ਰਾਬਾਂ ਵੇਚਣ ਵਾਲਿਆਂ 'ਤੇ। ਮਾੜੀ ਮਾੜੀ ਗੱਲ ਤੇ ਪਰਚੇ ਦਰਜ ਕਰਨ ਵਾਲੀ ਸਰਕਾਰ ਅਜਿਹੇ "ਕਤਲਾਂ" ਦੇ ਇਰਾਦਿਆਂ" ਤੇ ਚੁੱਪ ਕਿਓਂ ਹੈ? ਕੌਣ ਕਰੇਗਾ ਵਿੱਕੀ ਦੀ ਜਾਨ ਲਈ ਮੁਸੀਬਤ ਬਣਨ ਵਾਲਿਆਂ ਦੇ ਖਿਲਾਫ਼ ਕਾਰਵਾਈ?